Azərbaycan kulinarları Türkiyədə Beynəlxalq Kulinariya Çempionatında böyük uğurlar əldə etdilər

18.04.2018 tarixdə Afyon Qastronomiya Festivalının açılışı oldu. Açılışda Afyon valisi, kaymakamlar, bölgə turizm müdiri, xarici ölkələrin səfirləri, Qocatəpə Universitetinin rektoru iştirak edirdilər. Açılışda milli hərbi marşlar, rəqslər, səma rəqsi və s. nümayiş etdirildi. Yarış peşəkarlar, universitet və lisey tələbələri arasında keçirilirdi.
Münsiflər heyətinə Azərbaycan nümayəndəsi rəhbərlik edirdi. Beynəlxalq münsif heyətinə Türkiyə, Almaniya, Belçika, İtaliya, Rumıniya, Yunanıstan, Braziliya daxil idi.
Çempionatın ətrafında müxtəlif milli xörəklər hazırlanıb paylanırdı. “Tandır” adı ilə verilən ətli yayla şorbası, Türkiyə adına UNECKO-ya daxil olmuş “keşkək” (həlimaşı) və müxtəlif dizaynla təqdim olunmuş “aşurə” daha çox diqqətimizi çəkdi.
Eyni zamanda həm qida ilə bağlı əl işləri, həm rəsm əsərləri və s. sərgilənmişdi.
Tədbir Afyon Qocatəpə Universitetinin ərazisində keçirilirdi və tədbirdə universitet çox aktiv iştirak edirdi.
19.04.2018 tarixdə Afyon Qocatəpə Universitetində bölgənin, şəhərin rəhbərləri, turizm və ticarət müdirləri, alimlərlə iştirakçı aşpazlar, tələbələrlə “Sağlıq Turizmindəki Ulusal və Uluslararası Gelişmeler ile Sağlıklı Yaşam Paneli” adı ilə konfrans keçirildi. Yarışlar davam etdirildi. Axşam mükafatlandırma mərasimi keçirildi.
19.04.2018 tarixdə 5 nəfərdən ibarət komandamız Türkiyənin İzmir şəhərinə gəldi.
Kulinariya incəsənəti yarışmasında komandamızın üzvü Azər Qədirovun “Orxideya gülü” əsəri nümayiş etdirildi və gümüş medala layiq görüldü.
Buradakı Çempionatda 41 ölkə Azərbaycan, Türkiyə, Böyük Britaniya, Ukrayna, İslandiya, Braziliya, İsrail, Serbiya, Xorvatiya, Slovakiya, Polşa, Tunis, Rumıniya, ABŞ, İordaniya, İspaniya, Cənubi Koreya, Kipr, Portuqaliya, Hindistan, Fələstin, Özbəkistan, Makedoniya, Malta, Belçika, Yunanıstan, Fransa, Rusiya, Belorusiya, Səudiyyə Ərəbistanı, Liviya, Bolqarıstan, Çin, Monqolustan, Misir, İran, Suriya, Pakistan, Bosniya Herseqovina, Gürcüstan, Tayland iştirak edirdilər. Azərbaycan münsiflər heyətində təmsil edilmişdi. Münsiflərə İngiltərə sədrlik edirdi.
21.04.2018 tarixdə yarışlarla yanaşı “Ukrayna borşu” aksiyası keçirildi. Ukraynadan tədbirə qoşulan 40-dan çox mütəxəssis borş bişirib, iştirakçılara payladılar.
Ukraynadan gələn müğənnilər yarış yerində konsert verdilər. Yarış yeri ətrafında geniş qida və əl işləri sərgisi də fəaliyyət göstərirdi. Sərgiyə bölgə və yerli hakimiyyət orqanlarının nümayəndələri də gəlmişdilər.
22.04.2018 tarixdə Azərbaycan komandası üçün əsas gün oldu. Aşpazlarımız 8 sinifdə yarışa girdilər.
1. Araz Əhmədov “İlin aşpazı” sinfində (SP 6) ən yüksək balla qızıl medal və kubokla 2018-ci ilin aşpazı elan edildi. “İlin aşpazı” (SP 6) sinfində isə qızıl medal aldı, “Modern mətbəx” sinfində (SP 1) qızıl medal qazandı.
2. Sərxan Məmmədov “Asiya mətbəxi” yarışında qızıl medalla birinci yeri tutdu. Balıq sinfində (SP 3) də qızıl medal qazandı. “İlin aşpazı” (SP6) yarışında da qızıl medal qazandı.
3. Azər Qədirov kulinariya incəsənəti yarışında mastikadan düzəltdiyi “Orxideya gülü” əsərinə görə gümüş medal, “İlin aşpazı” sinfində (SP 6) qızıl medal qazandı.
Münsiflər heyətində komandamızı Tahir Əmiraslanov və Gülnar Ələsgərova təmsil etdilər.
Komanda qara qutu sinfində (SPT 1) qızıl medal qazandı. Komandamız 7 fərdi sinifdən 1 gümüş 6 qızıl medal qazandı.
Beləliklə, komandamız iştirak etdiyi 8 sinifdə 8 yüksək nəticə göstərdi (7 qızıl + 1 gümüş).
24.04.2018 tarixdə biz Böyükpaşadan İzmir şəhərinə gəldik. Izmirin Turizm və Kültür müdiri ilə görüşdük (Murad Karaçanta). Görüş zamanı bəzi qarşılıqlı əməkdaşlıq imkanlarını araşdırdıq. Cənab Murad Karaçanta yeni hazırladıqları “İzmir mətbəxi” kitabını bizə hədiyyə etdi. Biz də “Azərbaycan mətbəxi” adlı 22 poçt markasından ibarət dəsti ona hədiyyə etdik.
25.04.2018 tarixdə biz Ege Profesyonal Aşçılar Derneyi, Kamalpaşa bələdiyyəsi və Təhsil Nazirliyinin birgə yaratdıqları aşpazlıq liseyində olduq. Lisey üçün pulsuz yer, avadanlıq, dərs sinifləri və s. ayrılıb. Bütün xərcləri dövlət və bələdiyyə ödəyir.
Məktəbdə biz gələndə əsas qadınlar qrupunun dərsləri idi.
Tahir Əmiraslanov müəllim və şagirdlərə peşə dərsi ilə bərabər Azərbaycan mətbəxi, kulinariya ilə bağlı mühazirə oxudu.
27.04.2018 tarixdə İzmirdə Gözəlboxçada yarışlar başladı. Öncə əlil aşpazlar yarışma sinifi keçirildi, sonra isə gənc lisey aşpazlarının yarışları keçirildi. 28.04.2018 tarixdə bizim komandamız yarışa girdi. Qaydalara görə hər aşpaz 3 sinifdə, “Modern mətbəx”, “Xəmir xörəyi”, və “Desert” siniflərində yarışmalı idi.
Yarışlarda İslam ölkələri, Azərbaycan, Türkiyə, Livan, Bosniya Herseqovina, Səudiyyə Ərəbistanı və Qırğızıstan iştirak edirdi.
Tədbirdə Dünya İslam Kulinariya Birliyinin Prezidenti Gökhan Tufan (Türkiyə), Vitse-Prezidenti Tahir Əmiraslanov (Azərbaycan), Baş katibi Ali Traboulsi (Livan) iştirak edirdilər.
Bu yarışlarda əsas məqsəd, 2018-ci ilin sonunda keçiriləcək II Dünya Halal İslam mətbəxi yarışlarına hazırlıq idi. I yarış 2009-cu ildə Bakıda keçirilmişdi. Bu brendi Türkiyədə davam etdirməyə qərar verildi.
29.04.2018 tarixdə yarışlar davam etdi. Universitet komandaları və fərdi iştirakçılar axşam saat 19:00-dək yarışdılar.
Azərbaycandan Araz Əhmədov 3 sinif yarışından 3 gümüş medal, Sərxan Məmmədov “Modern mətbəx” və “Desert” siniflərindən qızıl, “Xəmir xörəyi” sinfindən isə gümüş medal qazandı. Beləliklə, komandamız 6 sinif yarışda 6 yüksək nəticə göstərərək 2 qızıl, 4 gümüş medal qazandı.
Bu yarışlara biz Azərbaycandan özümüzlə “Azersun Holding” şirkətinin istehsalı olan “Super Sun” yağlrını aparmışıq. Hesab edirik ki, yerli məhsulların keyfiyyəti də qazanılan nəticələrə öz müsbət təsirini göstərdi.
Göstərdiyi köməyə görə, Azərbaycan Milli Kulinariya Mərkəzi Mədəniyyət Nazirliyinə, keyfiyyətli məhsullarına görə “Azersun Holding” şirkətinə, öz minnətdarlığını bildirir.

31170385_1818867288177399_730826866362009615_n

Avropa Qitə Konfransı

7-10.04.2018 tarixlərində Ümumdünya Kulinariya Təşkilatları Birliyinin İngiltərədə keçirilən Avropa Qitə Konfransında iştirak etmiş Azərbaycan nümayəndə heyətinin
HESABATI

08-09.04.2018 tarixdə Konfransda çalışdıq. Konfransda 20 Avropa ölkəsi iştirak edirdi.
Iş zamanı 2019-cu ildə Avropa Konfransının keçirilməsi üçün Belçika, Finlandiya və Azərbaycan müraciət etdilər.
Müraciətlərin əsaslandırılması üçün 3 həftə ölkələrə vaxt verildi, sonra 4-cü həftə onlayn səsvermə ilə ölkə müəyyən ediləcək.
10.04.2018 tarixdə Staffordşirdən Londona gəldik. Londondakı səfirliyimizdə Azərbaycanın İngiltərədəki Səfiri Cənab Tahir Tağızadə nümayəndə heyətimizi qəbul etdi. Fikir mübadiləsi zamanı Tahir müəllim Tağızadə Səfirliyin yeni binasının açılışında ziyafəti birgə keçirmək haqqında təklif verdi.
Tərəfimizdən səfirliyə 10 ədəd kitab hədiyyə edildi.
10.04.2018 tarixdə axşam Bakıya yola düşdük və 11.04.2018 tarixdə Bakıda olduq.
Səfər üçün iki təyyarə bileti AZAL Hava Yolları tərəfindən nümayəndə heyətimizə ödənişsiz verilmişdi.
Tahir Əmiraslanov
Nümayəndə heyətinin üzvü

30623706_1950464528328235_47887330572238848_n

T.İ.Əmiraslanovun “Şöhrət” ordeni ilə təltif edilməsi haqqında

T.İ.Əmiraslanovun “Şöhrət” ordeni ilə təltif edilməsi haqqında Azərbaycan Respublikası Prezidentinin Sərəncamı
02 aprel 2018, 18:00
Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycanın milli kulinariya ənənələrinin qorunması və təbliği sahəsində xidmətlərinə görə Tahir İdris oğlu Əmiraslanov “Şöhrət” ordeni ilə təltif edilsin.

İlham Əliyev

Azərbaycan Respublikasının Prezidenti

Bakı şəhəri, 2 aprel 2018-ci il.

29683877_1936857443022277_3216280181867182231_n

INTERNATİONAL MASTER OF CACE ISTANBUL

INTERNATİONAL MASTER OF CACE ISTANBUL

10-11 Mart 2018 – ci il tarixində Elite World Europe otelde keçirilən “Uluslararası Pasta yarışması ve Pastacılık & Çikolata” festivalında Azərbaycan Milli Kulinariya Assosiasiyası üzvləri Natəvan Əsədullayeva, Əhmədov Orxan, Paşayev Sənan iştirak edib. Həmyerlilərimiz bu festivalda birinci olublar. Gənc qənnadçıların bu festivalda iştirakını “Purple Cake Boutique” şirniyyat butiki təmin edib. “Purple Cake Boutique”- ə öz təşəkkürlərimizi bildiririk.

29595557_1930762286965126_8306514035752917544_n

“Vizit Dagestan — 2018 “

25-28.03.2018- ci il tarixlərində Dağıstanın Mahaçkala şəhərində “Vizit Dagestan — 2018 ” adlı Beynəlxalq Kulinariya festivalı keçirilib. Festivalda Azərbaycan Milli Kulinariya Assosiasiyasının üzvü Ruslan Şıxıyevdə iştirak edib. Ruslan Şıxıyev 3 yarışda 2 qızıl və bir gümüş medal qazanıb.
Qeyd edək ki, festivalda 20 komanda, 100 nəfərə yaxın aşpaz iştirak edib.

29695134_1930687970305891_8754725256356662692_n

Nigeriya TV-nin jurnalisti Ehikodi Gina xanım Okwesi qonaq olub

Bu gün Azərbaycan Milli Kulinariya Mərkəzində Billurə xanım Bayramova və Nigeriya TV-nin jurnalisti Ehikodi Gina xanım Okwesi qonaq olub.
Nigeriyada yaşayan əslən Azərbaycanlı Billurə xanım Bayramova bir neçə ildir ki, Azərbaycan mədəniyyətinin, irsinin xarici ölkələrdə tanıdılması ilə məşğul olur. Novruz Bayramında o Nigeriya TV-nin jurnalisti Ehikodi Gina xanım Okwesi ilə Azərbaycanda çəkilişlər təşkil edib.
Bu çəkilişlərə Milli Məclisin üzvü Qənirə xanım Paşayeva dəstək verir. Mətbəx mədəniyyəti üzrə çəkilişlərə AMKM kömək edir.
Bunlarla bağlı olaraq Nigeriyalı qonaqları Xalça Muzeyində, ” Xanədan” etno restoranında olub, Azərbaycan Milli Mətbəxi ilə bağlı çəkilişlər ediblər.
Hər iki qonaq Azərbaycan Milli Kulinariya Assosiasiyası tərəfindən diplomlarla təltif edilib.

29060210_1928019060572782_8264143797633783258_o

Çempionat “A la russe”

21-24.03.2018 tarixində RF-nın Moskva şəhərində keçirilən “A la russe” Çempionatında iştirak etmiş Azərbaycan nümayəndəsinin
HESABATI

Çempionat “A la russe” 5-ci dəfə keçirilirdi. Yarışda 40 komanda iştirak edir. Xaricdən Qırğızıstan, Qazaxıstan və Misir komandaları iştirak edirdilər. Münsiflər heyətinə WACS (ÜKTB) Prezidenti Tomas Gugler rəhbərlik edirdi. Münsiflər heyətinin üzvləri Tahir Əmiraslanov, Svetlana Rişkova (Latviya), Qert Qlocke (İsveç), Alan Payen (Mavrikiy), Zoran Belkoviç (Serbiya), Talio Layne (Finlandiya), İztok Legat (Sloveniya), Qill Renisson (ABŞ), Rusiyadan Viktor Belyaev, Aleksandr Prokopoviç, Ruslan Tangirov, Kirill Siniçkin idi.
21 martda Çempionat öz işinə başladı. Birinci gün 20 komanda yarışdı. Hər onluqdan I, II, III yerlər seçildi. Cəmisi 6 komanda (20 komandadan) finala keçdi.
21 mart 2018-ci il tarixdə “Bakı Bulvarı” restoranında Tahir Əmiraslanovun 60 illik Yubileyi ilə bağlı, onun şərəfinə ziyafət verildi. Ziyafətdə Azərbaycandan gəlmiş müğənnilər də konsert verdilər. Yubilyar çıxışında Ölkə rəhbərliyinə, Mədəniyyət və Turizm Nazirliyinə, “Bakı Bulvarı” restoranına ona göstərdikləri diqqətə görə minnətdarlığını bildirdi. Təbrik sözü ilə ÜKTB-nin Prezidenti Tomas Gugler çıxış etdi və ÜKTB-nin 12 milyon üzvü adından Tahir Əmiraslanovu təbrik etdi. Sonra Tahir Əmiraslanovu Viktor Belyaev (Rusiya Kulinariya Assosiasiyasının Prezidenti) təbrik etdi və Rusiyanı ən yüksək kulinariya mükafatı, “Ləyaqət nişanı” ilə mükafatlandırdı. Sonra öz təbriklərini Svetlana Rişkova (Latviya), Qert Qlocke (İsveç), Alan Payen (Mavrikiy), Zoran Belkoviç (Serbiya), Talio Layne (Finlandiya), İztok Legat (Sloveniya), Qill Renisson (ABŞ), Rusiyadan Viktor Belyaev, Aleksandr Prokopoviç, Ruslan Tangirov, Kirill Siniçkin dilə gətirdi, “Pitanie i Obşestvo” jurnalının baş redaktoru Nomofilova Natalya, Qərbi Qafqaz Kulinariya Assosiasiyasının Prezidenti Li Anatoliy, “Türk İş Adamları” Cəmiyyətinin Prezidenti Şaiq Bayramov, skripkaçı Vladimir Master yubilyarı təbrik etdilər.
Tahir Əmiraslanovu Rusiya və Ukrayna ərazisinə şok dondurulmuş ərzaq istehsal edən “Elika” (o cümlədən, düşbərə, dolma və s.) fabriklərinin rəhbərləri, “Bakı Bulvarı” restoranının direktoru Niyazi Bədəlov Moskvada “Paxlava House” Azərbaycan paxlava istehsal evinin sahibi Zaur Əliyev, Moskva ətrafı Azərbaycan diasporasının Sədri Həşim Əliyev təbrik etdilər.
Ayrıca təbrik nitqi ilə Heydər Əliyev Fondunun Moskvadakı icraçı direktoru Tamilla xanım Əhmədova çıxış etdi.
Son çıxışla yubilyarı məşhur aparıcı, food-bloger Stalik Xankişiyev təbrik etdi.
Tədbir zamanı “Elika” firması ilə 2019-cu ildən “Xaş” xörəyini 12 dəqiqəyə hazırlanma texnologiyasının tətbiqi barədə danışıldı. Bu texnologiyanın tətbiqi və “Xaş”ın öncə Rusiya bazarına çıxarılması planlaşdırıldı.
“Paxlava House” ilə Qarabağ paxlavasının və kətəsinin bazara çıxarılması ilə bərabər, bazara Azərbaycan brendi kimi, İrəvan paxlavası və kətəsinin yaradılması planlaşdırıldı. Tədbir zamanı Mədəniyyət və Turizm Nazirliyinin çəkdiyi “Daddan sonrakı dad” filmi nümayiş etdirildi.
Tədbirdən sonra Moskva ətrafı diaspora, biznesmenlər cəmiyyəti, “Bakı Bulvarı” restoranı və s. Qurumlara Azərbaycan Mətbəx günlərinin Moskvada keçirilməsi müzakirə olundu.
22.03.2018 tarixdə daha 20 komanda çıxış etdi. Hər komanda 3 xörəkdən ibarət çeşni ilə (açar, əsas və dessert yeməyi) ilə çıxış etdi.
Hər onluqdan yenə I, II, III yerlər (cəmi 6 komanda) müəyyən edildi.
23 mart tarixdə hər biri 2 nəfərdən ibarət 10 gənclər komandası Qara qutu sinfində yarışdı. Qara qutudan mal ciyəri əsas məhsul kimi çıxdı, kartof, süd, şampinyon göbələyi də qara qutudan çıxdığı üçün bu məhsulları istifadə etməklə bir yeni yemək hazırlanmalı idi. Bəzi əlavə ərzaqlar isə ümumi qoyulmuşdu.
Nəticədə:
Birinci yerə Perm Ticarət-texnologiya Kolleci
İkinci yerə Volqoqrad Kolleci
Üçüncü yerə isə Moskva Təhsil Kompleksi nail oldu.
Ikinci girişdə əvvəlki iki gündə ən çox bal toplamış 10 komanda yarışa girdi.
Qara qutudan çıxan buğanın ağ ətindən yemək hazırlanmalı idi. Komandalar bu ətdən əsas yemək və əlavə başqa ərzaqlardan dessert hazırladılar.
Nəticədə:
Birinci yer Altay vilayəti
Ikinci yer Soçi, Roza-xutor
Üçüncü yer isə Vladimir Suzdal qazandı.
Üçüncü yerin sahibi Vladimir Suzdal komandasına baş sponsor “Metro” Mağazalar şəbəkəsi tərəfindən 60 000 rubl (1000 $), ikinci yerin sahibi Soçi komandasına 90 000 rubl, birinci yerin sahibi Altay komandasına isə 120 000 rubl mükafat verdi.
Digər sponsorlar da hər komandaya 30 000 rubl hədiyyə etdilər.
Birinci yeri tutan Altay vilayəti komandası Fransanın Lion şəhərində Bökyüzün Kulinariya məktəbində sponsorların hesabına təhsil haqqı qazandı ki, bu da hər bir mütəxəssis üçün çox böyük mükafatdır və yüksəliş imkanıdır.
Bütün münsiflərə Moskvadakı “Paxlava House”un paxlava dəstləri paylandı. “Paxlava House”un sahibi Zaur Əliyevə öz təşəkkürlərimizi bildiririk.
Tədbir zamanı ÜKTB Prezidenti ilə Malayziyada keçiriləcək Dünya Kulinariya Konqressində Azərbaycanın aktiv iştirakı müzakirə edildi və birgə addımların koordinasiyası barədə danışıldı.
24.03.2018 tarixdə biz Vətənə qayıtdıq.
Tahir Əmiraslanovun “A la russe” Çempionatında münsiflərdə iştirakının bütün xərcləri (təyyarə, transfer, otel) Rusiya Kulinariya Assosiasiyası tərəfindən ödənildi.

29512763_1928121703895851_3135893516245394407_n

” Dubayın dadı” festivalı

Dubay Turizm Departamenti (DTD) tərəfindən Dubayda bu il 5- ci turizm festivali keçirildi. Festivala ekspert kimi Azərbaycandan Tahir Əmiraslanov, Qazaxıstandan Aleksandr Traqubenko, Rusiyadan Anatoliy Kazakovu dəvət etmişdilər. Festival 22.02.2018- 10.03.2018- ci il tarixlərində keçirilir.
” Dubayın dadı” festivalı çərçivəsində ən yaxşı seçilmiş 15 restoran müəyyən edilir və bu restoranlara biletlər satılır. Biletlər həmdə lotereya kimi oynanılır.
Sonra daha çox restoranlar, aşpazlar festivala qoşulur. Festivallar müxtəlif yerlərdə, müxtəlif platformalarda keçirilir.
Məsələn platformalardan birində yüzlərlə seçilmiş “küçə qidası” müəssisələri iştirak edirdilər . Hər kəs öz avtodükanı ilə bu platformada iştirak edirdi. Kiçik kafelər avtobuslarda, avtopriseplərdə, yəni müxtəlif hərəkət edən vasitələrdə işləyirdi.
Küçə ticarəti ilə məşğul olan restoranlar yalnız sadə küçə yeməklərini deyil, hətda müasir texnologiyalara, məsələn soyuqla, yəni azotla bişirmə metodlarından da istifadə edirdilər.
Digər platformada ölkədə fəaliyyət göstərən orta və yuxarı səviyyəli restoranlar iştirak edirdi. Bu restoranlar Dubay Turizm Departamenti tərəfindən seçilir.Yəni hər istəyən restoran bu platformada iştirak edə bilməz. Burada kino zal kimi fəaliyyət göstərən restoran daha çox maraq doğururdu.
Burada aşpazlar müxtəlif usta siniflər keçirir, həvəskarlara və evdar qadınlarla birlikdə yarışlar keçirir, onları öyrədirdilər.
Üçüncü platformada orta səviyyəli öz yerlərində fəaliyyət göstərən restoranlar iştirak edirdi. Məsələn sadə hind və yerli ərəb restoranlarında ekspertlərə təqdim edilən yeməklər də öz sektoru üçün yüksək səviyyəli idilər.
Ekzotik və yüksək restoran sektorunda da ayrıca platformalar var idi.
Ekspertlərə Bürc Xəlifənin 122- ci mərtəbəsində 495 m yüksəklidəki Atmosfer restoranında təqdim edilən yeməklər çox yüksək səviyyədə idi. Yerdə əyləşəndən sonra müştəriləri kreslolara bağlayıb kranla 50 m yüksəkliyə qaldırılan açıq restoranda, səmada yemək verilən restoranda da Bürc Xəlifədəki kimi yeməkdən daha çox yüksəklik, mənzərə satırdı. Bədəvi mətbəxi restoranı da daha çox tarixi, etnoqrafiyanın satışı ilə məşğul idi. İnsanlar yeməklər vasitəsi ilə BƏƏ- nin tarixi ilə tanış olurdular.
Yüksək restoranlardan “Cümeyra Four Season” – un damındakı restoranıda həm mənzərə, həm də əyləncə satırdı.
Otelin digər restoranı çox yüksək səviyyəli Asiya və Çin yeməkləri satırdı.
Beləliklə Dubay öz mətbəxi vasitəsilə Dubaydakı əhalinin sosial durumunu, gələn turistlərin vəziyyətini, ölkədəki əhalinin tərkibini, özünün inkişaf və tarixini və s. göstərə bilirdi.
Dubay özündə bir mətbəx , qida cənnətini bütün dünya mətbəxini bir məkanda Dubayda toplandığını nümayiş etdirirdi. Burada dünyanın bütün mətbəxlərini dadmaq olar.
Dubayın dadı gözəldir.
Bu gözəl festivala görə bizi dəvət edən, bütün xərclərimizi qarşılayan Dubay Turizm Departamentinə və onun MDB üzrə nümayəndəsi Yuliya Lutsik xanıma təşəkkürümüzü bildiririk.

Beynəlxalq kulinariya çempionatları

21-26.02.2018 tarixlərində Maltada ” Malta Kulinarja -2018 ” yarışları keçirildi. Tədbirin açılışında Malta Prezdenti Marie-Louise Coleiro Preca da iştirak etdi, o çıxış edərək komandalara uğurlar arzuladı. Azərbaycanı bu yarışda Azərbaycan Milli Kulinariya Mərkəzinin baş texnoloqu Elnurə Quliyevanın rəhbərliyi altında aşpazlar Ağa Salamov, Sarxan Məmmədov, Nicat Babayev təmsil edirdi.
Qeyd edək ki, “Malta Kulinarja – 2018″ Avropanın iki ildən bir keçirilən ən mötəbər kulinariya yarışlarından biridir. Bu yarışda 350 – dən çox aşpaz iştirak edirdi. Bundan əlavə dünyanın tanınmış otelləri öz komandalarını məhz bu yarışda iştiraka göndəririlər. Münsiflər heyətində Almaniya, Norveç, İngiltərə, Fransa, Portuqaliya, Slovenya, İtaliyadan olan münsiflər iştirak edirdi.
Yarışmanın ilk günü Azərbaycan Milli Kulinariya komandası 10 komanda ilə birlikdə yarışa başladı. Hilton, Intercontinental, Excelsior kimi tanınmış otellərin komandalarıda bu yarışda iştirak edirdi. Komandamız bu yarışda bürünc medallar qazandı.
Yarışmanın ikinci günü aşpaz Nicat Babayev ( Amuse bouche) və Sarxan Mammadov ( Asian fusion) iki sinifdə iştirak etdilər. Sarxan Mammadov 89.33 balla gümüş medal qazandı.
Qeyd edək Azərbaycan ilk dəfə olaraq Amuse Bouche sinifində yarışmada iştirak edirdi. Bu yarışda Nicat Babayev dördüncü oldu.
Yarışmanın dördüncü günü əsas yarışlardan biri sayılan Aralıq dənizi balığı sinfində daha iki iştirakçımız iştirak etdi. Ağa Salamov 86.67 balla, Sarxan Mammadov isə 86.33 balla gümüş medalları qazandılar. Qeyd edək bu yarışma şərtlərinə görə yalnız Aralıq dənizinin kulinariyada az istifadə olunan balıqlarından istifadə etmək olar.
Yarışmanın dördüncü günü Azərbaycan Komandası qara qutu yarışmasında iştirak etdi. 6 komandanın iştirak etdiyi bu yarışda Azərbaycan komandası üçüncü oldu. Beləliklə Malta komandamız 4 fərdi sinifdən 3 gümüş, 1 fərqlənmə diplomu, 2 komanda sinifindən 2 bürünc medal qazandı. Komandamız 6 yarış sinfində 6 nəticə göstərdi.
Yarışma zamanı Xocalı qətliamı nümayəndə heyətimiz tərəfindən anıldı. Yarış iştirakçılarımız Xocalı qətliamını digər ölkə nümayəndələrinin diqqətinə çatdırmaq üçün Xocalı ilə bağlı rəsmlərdən və şüarlardan istifadə etdilər. Orda olan insanlara bu qətliam ilə bağlı məlumat verdilər.
22-26.02.2018 tarixlərində Türkiyənin İstanbul şəhərində keçirilən çempionatda 24 xarici ölkə (Azərbaycan, Türkiyə, Pakistan, Tunis, Avstriya, Serbiya, Sloveniya, İtaliya, İsrail, Qırğızıstan, Ruminiya, Ukrayna, Monqolustan, Bosniya-Hersoqoviniya, Makedoniya, Səudiyyə Ərəsbistanı, Kipr Türk Cümhuriyyəti, Yunanıstan, Bolqarıstan, Cənubi Koreya, İslandiya, Xarvatiya, Monteneqro) və Türkiyənin müxtəlif şəhərlərindən gələn aşpazlar iştirak etdi. Tədbirdə AMKM-in baş direktoru Tahir Əmiraslanov (münsif qismində) və AMKA-nın üzvləri Bəyim Məmmədova (komanda kapitanı), Mədinə Əliyeva, Nərmin Rəcəbova (tərcüməçi qismində), Timur Pivkin, Halil Kozakoğulları, Valeh İmranov, Ruslan Şixiyev iştirak etdilər. Ümumiyyətlə 1600-a qədər yarışmacı 74 kateqoridə yarışdılar.
JP7 balıq sinfində Mədinə Əliyeva iştirak etdi və qızıl medal, SP1 modern Cuisine yarışından Halil Kozakoğulları gümüş medal, Ruslan Şixiyev və Valeh İmranov bürünc medal, Timur Pivkin gümüş medal, SP2 quzu sinfindən isə Timur Pivkin fərqlənmə diplomu qazandı.
JP9 əsas yemək yarışından Mədinə Əliyeva və Nərmin Rəcəbova bürünc medal, gənclərin komanda yarışından isə komandamız qızıl medal qazandı.
SP3 balıq sinfindən Halil Kozakoğulları qızıl, Ruslan Şixiyev, Valeh İmranov, Timur Pivkin gümüş medal götürdülər.
Komandamız SPT1 qara qutu sinifindən (Halil Kozakoğulları, Valeh İmranov, Ruslan Şixiyev) gümüş medal qazandılar.
Ümumiyyətlə komandamız 2 komanda yarışından 1 qızıl və 1 gümüş, 12 fərdi yarışdan isə 2 qızıl, 5 gümüş, 4 bürünc və 1 fərqlənmə diploma qazandılar. Türkiyədəki komandamız da Xocalı soyqrımına görə qollarında qara lentlə yarışlara girirdilər və Xocalı qətliamı haqqında iştirakçılara məlumat verirdilər.
Göstərdiyi köməyə görə, Azərbaycan Milli Kulinariya Mərkəzi Mədəniyyət və Turizm Nazirliyinə, Qafqaz hotels by ” Gilan Holding” – ə, keyfiyyətli məhsullarına görə “Azersun Holding” şirkətinə öz minnətdarlığını bildirir.

28166863_1616583341722541_1635256537788759686_n

IMG-20180301-WA0097

Təşəkkür edirik!!

Yanvarın 29-da Milli Məclisin Mədəniyyət komitəsinin yaz sessiyasında ilk iclası keçirildi.
Əvvəlcə 2017-ci ilin payız sessiyasında komitədə görülmüş işlər barədə hesabatı diqqətə çatdıran komitənin sədri Rafael Hüseynov bildirdi ki, payız sessiyasında komitənin 3 iclası keçirilmiş, 10 məsələ müzakirə edilmişdir. Sessiya ərzində komitəyə 126 müraciət daxil olmuş, 16 nəfər vətəndaş qəbul edilmişdir.
Sonra 2018-ci ilin yaz sessiyasında görüləcək işlərdən danışan komitə sədri bildirdi ki, yaz sessiyasında “Kinemotoqrafiya haqqında”, “Kabel şəbəkəsi yayımı haqqında”, “Azərbaycan muğam sənətinin qorunması və inkişaf etdirilməsi haqqında”, “Yazılı abidələr haqqında”, “Kulinariya haqqında”, “Ad və soyadlar haqqında” qanun layihələri, həmçinin qanunvericilik təşəbbüsü qaydasında komitəyə daxil olacaq bir sıra digər qanun layihələri müzakirə ediləcəkdir.
İclasda çıxış edən komitə üzvləri Jalə Əliyeva, Fəzail İbrahimli, Elmira Axundova, Ülviyyə Həmzəyeva və Əflatun Amaşov gündəlikdəki məsələlər barədə fikirlərini bildirdilər, qeyd və təkliflərini verdilər.
Bununla da Milli Məclisin 2017-ci ilin payız sessiyasında Mədəniyyət komitəsində görülmüş işlər barədə hesabat qənaətbəxş hesab olundu.

Milli Məclisin
Mətbuat xidmət